ኮሌጁ በስምንት የተለያዩ የሙያ ዓይነቶች ማለትም በክሊኒካል ነርስ ፣ በላብራቶሪና አንስቴዥያ፣ በአካባቢ ጤና አጠባበቅ ትምህርት፣በፋርማሲ ቴክኒሽያን፣ በሚድዋይፍሪይ፣ በጤና መረጃ ቴክኒሽያን እና በጤና ኤክስቴንሽን ትምህርት እየሰጠ ይገኛል፡፡ ይህን ትምህርት በመስጠት ላይ ያሉ 3ዐ የሁለተኛ ዲግሪ  31 የመጀመሪያ ዲግሪ እና 7 ዲኘሎማ ያላቸው መምህራን ሲኖሩ በድምሩ መማር ማስተማሩ በ68 መምህራን እየተሰጠ ሲሆን የድጋፍ ሰጪ ሠራተኞች 41 ሲሆኑ በድምሩ 1ዐ9 የሰው ኃይል በመያዝ የመማር ማስተማሩን እያከናወነ ይገኛል፡፡
ኮሌጃችን የመማር ማስተማሩን ጥራት ለመጠበቅ፡ ተማሪዎቹን በስነምግባር የታነፁ ለማድረግ የተለያዩ ተግባራትን እያከናወነ ሲሆን ከነዚህም ውስጥ የትምህርት ልማት ማዕከል/EDC/ በመመስረት በመምህራን ልማት፣ካሪኩለም ክለሳ፣በትምህርት ጥራት ማረጋጋጥና በምርምር ቡድን በመክፈል የትምህርት ጥራት ያለበትን በማወቅ፣ክትትል በማድረግና ደረጃውን የጠበቀ መማር ማስተማር እንዲኖር ለማድረግ ከፍተኛ ጥረት እያደረገ ይገኛል፡፡ አጠቃላይ የብቃት ምዘና ውጤት 85% በላይ ማድረስ የተቻለበት ሁኔታ ላይ ተደርሷል፡፡ በተጨማሪም የሀገራችን የስራ ላይ ስልጠና ደረጃውን የጠበቀና ተቋማዊ ለማድረግና የተነደፈውን ሀገራዊ የተከታታይ ሙያ ማጎልበቻ ንድፈ ሃሳብ  በመቀበልና ለመተግበር ከፍተኛ ጥረት እያደረገ እና  የስራ ላይ ስልጠና በመስጠት የጤና አገልግሎት ጥራቱን በማስጠበቅ ላይ ይገኛል፡፡

ኮሌጃችን ይህን የመማር ማስተማር እንቅስቃሴ ከዚህ በላይ በትምህርት አይነትም ሆነ ከደረጃ አራት ወደ ድግሪ የማሣደግ  እቅድ እና ፍላጐት ቢኖረውም የመማሪያ ክፍሎች፣የሠርቶ ማሣያ ክፍሎችና የመመህራን ቢሮዎች ችግር ኮሌጁን ለማስፋፋት የቦታ እጥረት እና በክልሉ መንግስት የሚፈቱ የአወጅ እና የመመሪያ ማሻሻያወች ማነቆ በመሆናቸው የሚመለከታቸው ሁሉ በዚህ አጋጣሚ ፈጣን ምላሽ እንዲሰጡን አቶ ማሙዬ መንገሻ ባደረጉት ንግግር አሳስበዋል፡፡

በምረቃ ስርዓቱ ላይ ከፍተኛ ውጤት ላመጡ ተማሪዎች ሽልማት የተሰጠ ሲሆን በመጨረሻም ውድ ተመሪቂዎች በኮሌጁ ቆይታችው ባገኙትት እውቀት ላይ የራሣችውን ጥረት በማከል ከሁሉም በላይ ክቡር የሆነውን የሰው ልጅ ለመንከባከብና የጤና ችግሮችን ለመቅረፍ ደከመኝ ሰለቸኝ ሣይሉ ሙያችው በሚፈቅድላችው ሁሉ በቅንነት፣በታማኝነት እንዲያገለግሉ የቃለ-መሃላ ስነ

ስርዓት የተካሄደ ከመሆኑ በተጨማሪ የእለቱ የክብር እንግዳ የሆኑት የሰ/ሸዋ ዞን ጤና መምሪያ ም/ኃላፊ ወ/ሮ ፀዳለ ሰሙንጉስ ይህንኑ ለተመራቂዎች በአደራ ጭምር አሳሰበው መጪው ዘመን ጥሩ የሥራ ጊዜ እንዲሆንላችሁ ተመኝተዋል፡፡በአጠቃላይ የመማር ማስተማር ሂደቱን ከግቡ እንዲደርስ ድጋፍ ላደረጉልን መንግስታዊና መንግስታዊ ላልሆኑ ድርጅቶች ኮሌጁ ላቅ ያለ ምስጋና አቅርቧል፡